آرمی چیف سے برطانوی چیف آف ڈیفنس اسٹاف کی ملاقات
پاکستان میں کرونا وائرس کی صورتحال
مریض861,473اموات18,993صحت یاب762,105
آرمی چیف سے برطانوی چیف آف ڈیفنس اسٹاف کی ملاقات
جنرل قمر جاوید باجوہ نے شہزادہ فلپ کےانتقال پر اظہار افسوس کیا ، آرمی چیف نے کورونا سے نمٹنے میں تعاون پر برطانوی چیف آف ڈیفنس اسٹاف کا شکریہ بھی ادا کیا جب کہ برطانوی چیف آف ڈیفنس اسٹاف نےخطے میں امن و استحکام کیلئے پاکستانی کوششوں کو سراہا۔ آئی ایس پی آر
Sajid Ali ساجد علی پیر 10 مئی 2021 14:11
آرمی چیف سے برطانوی چیف آف ڈیفنس اسٹاف کی ملاقات
راولپنڈی ( اُردو پوائنٹ تازہ ترین اخبار ۔ 10 مئی 2021ء ) آرمی چیف جنرل قمر جاوید باجوہ سے برطانوی چیف آف ڈیفنس اسٹاف کی ملاقات ہوئی ہے۔ پاک فوج کے شعبہ تعلقات عامہ کے مطابق ملاقات میں باہمی دلچسپی کے اموراورعلاقائی سلامتی پرتبادلہ خیال کیا گیا ، ملاقات میں افغان امن عمل میں پیشرفت پر بھی بات چیت کی گئی ، اس کے علاوہ دوطرفہ اوردفاعی تعاون کومزیدفروغ دینےکےاقدامات پرتبادلہ خیال کیا گیا۔
(جاری ہے)
آئی ایس پی آر کے مطابق آرمی چیف نے شہزادہ فلپ کےانتقال پر اظہار افسوس کیا ، اس موقع پر آرمی چیف جنرل قمر جاوید باجوہ نے کہا کہ دنیا نےانتہائی قابل احترام دوست کوکھو دیا ہے ، آرمی چیف نے کورونا سے نمٹنے میں تعاون پر برطانوی چیف آف ڈیفنس اسٹاف کا شکریہ ادا کیا اور کہا کہ پاک فوج برطانیہ کےساتھ دوستانہ تعلقات کی بہت قدرکرتی ہے۔ بتایا گیا ہے کہ ملاقات میں برطانوی چیف آف ڈیفنس اسٹاف نےخطے میں امن و استحکام کیلئے پاکستانی کوششوں کو سراہا
